黃澤鋒今年7月獲52歲「超高齡」老婆陳麗麗為他幾經辛苦誕下囡囡「小黃妃」黃熙恩。
轉眼小黃妃已3個月大，他們快將為囡囡搞百日宴，一家三口日前就往影樓影全家福。
三個月大的小黃妃，拍攝期間非常合作，不但沒有扭計，更全程甜笑不停，讓攝影師捕捉了不少靚相。問到他們一家三口拍攝時的趣事？
媽媽陳麗麗接受《蘋果日報》電話訪問時說：「拍攝嗰日好順利，囡囡冇乜特別，我之前一晚同佢『訓話』，我話聽日會帶你去影靚靚，你要抖足精神，啲相會留嚟百日宴用㗎，於是佢嗰朝早係咁瞓，去到現場先醒，醒咗仲眼仔碌碌，仲識望住鏡頭，又會笑，好老積，當日我哋都遲咗去，都怕唔夠時間，最後比預期時間仲快搞掂，攝影師話未見過小朋友咁定，仲有camera face。」
相中的小黃妃好可愛，但陳麗麗卻笑指囡囡是「老粗」一名…
「我同佢着咗裙仔，同佢擺好POSE，但一撳相機，佢就腳一伸，展示佢條美腿。」黃太實在形容得好搞笑！
（綜合報道 / appledaily）
