藝人溫碧霞（Irene）與老公何祖光（Kenny）因為經歷過曾經失去，而變得更加恩愛及珍惜。
今年為兩人結婚19周年，日前他們飛甩仔仔Xavier到日本北海道享受二人世界賞紅葉慶祝。
Irene與Kenny遊玩了北多個地方，最開心是到充滿田園風味的二世古欣賞滿天紅葉，遍地鮮花及廣闊田野，完全享受大自然寧靜，叉足電回港再衝刺工作。
穿上紅色連衣裙的溫碧霞，果真仍然還少女味濃。
旅遊心情大靚，狂玩自拍。
Irene心情靚靚說：「周年紀念我哋想揀一個舒服又人煙稀少嘅地方慶祝，所以揀北海道，我好鍾意北海道，每次嚟到呢度欣賞大自然風景份外安靜舒服，呢度好舒服，我哋浸吓溫泉，食吓日本美食，最愛食日本水果，新鮮又香又甜，我哋每日都冇計劃行程，一早起身，想到邊就去邊，四處走走睇睇呢度好靚嘅風景、名勝已經好開心。」
(綜合報導/on.cc)
