黃夏蕙平常愛玩cosplay，最愛濃妝示人，政府昨日引用《緊急法》訂立《蒙面法》，蒙面法將於10月5日起實施，在釋義部份列明，「蒙面物品（facial covering）」指面罩、或「任何其他遮掩某人面部（全部或部份）」的任何種類物品，顏料亦包括在內。
黃夏蕙稱未有留意通過《蒙面法》，不過有機會化濃妝上街都「出事」，她今日回覆《蘋果》時說：「如果化濃妝唔得，咁我咪化淡妝見大家，唔緊要，乜都和平安全，而家咁我都冇心情化妝，如果覺醜樣，我咪唔見人，唔出街囉。」
不過警察執法卻容許蒙面，完全有不公平，黃夏蕙說：「我冇意見，我對而家情況真係冇意見，令大家好傷心，我唔想咁多人受傷，講句真心話，我愛香港，我愛同胞，我愛和平，希望有乜事大家坐講低講，唔好用武力，要珍惜生命，以和為貴，一個都唔應該有事，大家自己人，點解要互相殘殺。」
相關新聞：
【稱前所未見令人髮指】林鄭月娥電視講話：非常黑暗的一夜 https://bit.ly/31PP8JE
【周潤發全黑打扮現身 戴黑色口罩與街坊合照】 https://bit.ly/2ImeBCL
【校內外不得戴口罩 學生斥荒謬】校長批推行倉促 無提及學生如何避免犯法 https://bit.ly/2VgoyqO
【14歲大腿内側中槍 手術後情況嚴重】警方：開槍是合法合理 https://bit.ly/30KqSav
【百佳全線休息一天】21個商場宣佈今日停業 https://bit.ly/2pN98yD
【禁蒙面法生效前六小時】超市現10米人龍 麵包即食麵蔬菜搶購一空 https://bit.ly/2Vi5A2X
【反蒙面法】元朗自發集會 一示威者中槍倒地 https://bit.ly/2AJa8pI
(綜合報道)
