藝人姚嘉妮在荃灣一個午宴中表演。提到母親節臨近，有一個八歲囡囡和四歲仔仔的她就指子女年紀尚幼，暫時未能盡享母親節的福利，但表示最近囝囝變得口甜舌滑，氹得她非常開心：「成日都講媽咪I love you so much，夜晚幫佢冚被佢知道嘅就講媽咪I miss you so much，朝早又講Can you hug me, I love you！」又笑指仔仔冧女有一手，有次坐船船身搖晃即抱實旁邊的女同學：「好上進，食邊行飯都得，食軟飯都得！」問會否不准囝囝囡囡太早拍拖，她即大爆囡囡的女同學到訪過夜時，竟與囡囡大談少女心事：「我一入佢房，就聽到佢哋講『你依家鍾意邊個』，我即刻出返去。」非常搞笑。
(東方日報)
