藝人陳山聰現時人氣甚旺，演出的劇集受熱捧，被指是今年視帝大熱的他，將於11月1日與圈外女友何麗萍（Apple）結婚，真是人逢喜事精神爽。
對於《金宵大廈》開拍續集，山聰接受訪問時，坦言未正式接到通知要開：「續集呢樣嘢交畀公司決定，我真係完全未知，但聽到呢個消息都開心，因為網民、觀眾都好鍾意呢套劇，佢哋睇得投入，我哋已經好開心，開續集作為演員都係等公司安排，又可能未必會搵番我做呢！公司咁多演員，好多人都可以做。」
關於會否有信心拿視帝獎？他謙稱：「我何德何能呀！攞個『最佳老飛躍』我就有機會嘅！畀個飛躍獎我都可以，不過我都想施嬅攞視后，亦非常希望呢套劇可以攞『最佳劇集』，咁我已經好開心。」
(綜合報導/on.cc)
