靚湯湯洛雯今日為新劇《失憶24小時》試造型。看見她近期明顯收身，近日更在網上晒水着，她笑說：「冇之前咁嚇人，但係都冇上過磅，唔知瘦咗幾多磅，依家努力做運動、學溜冰、同埋節食減肥。」
在求學時期修讀心理學的靚湯戲中飾演心理醫生，她說：「今次睇劇本冇咁緊張，容易啲入手，所有個人冇咁緊張，個人放鬆啲會瘦啲。」
有指湯洛雯得林夏薇牽紅線與失婚的劉愷威「撻着」，更指兩人同遊英國… (相關新聞：https://bit.ly/2mXRGWX)
湯洛雯否認戀情，並強調與劉愷威只是普通朋友，也不覺得對方有意追求。
她說：「我依家係單身，報道唔係事實，我哋只係普通朋友，唔係情侶關係。（有冇約會過？）冇，我哋都係一班人一齊食飯…」
又被問到有否一齊去旅行，靚湯否認：「我同班朋友去咗英國同法國旅行，岑杏賢都有去嘅。（接唔接受到離過婚有小朋友嘅男士？）要睇緣分，自己唔知將來會遇到啲咩人。（有冇機會發展？）冇諗，依家單身，要努力收身。」
而另一位事主劉愷威，他回覆內地傳媒說：「假的，完全是編造。」
（綜合報道）
