無綫娛樂新聞台主播林子博的太太Shirley，數個月前發現患上第四期極罕有癌症「平滑肌肉瘤（腹腔）」，現時癌細胞更擴散到肝臟、胰臟、肺部和淋巴等身體多處，現正接受化療。
當林子博一邊努力工作，盡力賺錢養家，一邊陪太太努力抗癌時，最近竟接獲無綫「不獲續約通知」。效力TVB十一年，曾透露三年約即將於10月1日屆滿，而娛樂台監製向他表示新一份合約已準備好，只欠動筆，日前他滿心歡喜返公司開會，卻忽然收到「噩耗」，知道公司「棄將」決與他結束賓主關係。
子博坦言最擔心患上罕見癌症的太太Shirley的心情，接著與10歲仔仔卓楠商量，叫爸爸繼續「扮返工」，以免Shirley再受刺激。子博無奈謂：「呢招梗係唔work啦，我要同太太打針、陪佢覆診，咁點瞞姐？話咗畀太太知後，佢就爆喊，不過我同佢講唔好諗得咁灰，我仲有手有腳，可以搵兼職做住先，而事實上依家長工其實唔係咁啱我，我都要照顧屋企嘛。」
子博接受媒體訪問，他卻無太多抱怨：「本來話續約我仲有人工加，娛樂台上下手足一直都好幫我，我太太有病佢哋喺工作分配上都作出適當安排，而無綫始終係企業，佢哋有佢哋嘅選擇。（經濟壓力好重？）我單係租樓都萬幾，點會冇？但如果要鑽牛角尖，我不如花多啲心機出去搵嘢做仲好過﹗」
據悉，子博不獲續約一事已在圈中傳開，一眾無綫舊同事都明白他的境況，主動幫他找工，而另一電視台台ViuTV方面亦打算向他招手，而據知演藝人協會會長古天樂亦第一時間找人聯絡子博，希望能為他伸出援手，令子博頓感人間仍然有情。
雖然林子博現時仍爲照顧家庭和太太奔波，但他仍飲水思源：「我係無綫娛樂台出身，如果ViuTV搵我係做節目嘅話，梗係有興趣啦，但叫我繼續跑娛樂新聞就唔係咁好，事關我係無綫畀機會同監製帶我出身，冇理由倒戈相向，好冇義氣。」
相關新聞：
【除咗林子博外 仲有佢不獲TVB續約】《牛或成最後作品》：無怨無悔 https://bit.ly/2nCgl3g
【太太患癌第四期】林子博親手為太太剃頭：希望有奇迹出現 https://bit.ly/2ZneWLr
(綜合報道)
