【細細粒拍片跳舞】陳嘉佳驚現S型蛇腰 減肥成功？

藝人陳嘉佳（細細粒）在圈中一直以「噸位」取勝，分量十足的她最近原來「瘦身成功」。

去年曾公開230磅體重，今日公開「S形身材」，真係嚇到網友口窒窒！近年轉戰內地的她，都有玩大陸流行短片App，還開了超級濾鏡，將200幾磅的自己大縮水，喪扭蛇腰同大騷長長長腿，真的睇到網友硬起上來……個拳頭！

因為佢個Filter P到連身後的窗簾同牆身都變了形，不過就自信搭夠，配合佢惹火博打的表情，引嚟不少網友的Like。

雖然只得啖笑，但用完濾鏡「瘦身」，細細粒都自爆話弄到自己都考慮是否要去減一下肥，當然有不少網友舉腳支持，但亦有網友叫她做自己，想食就食，開心最緊要。