【兩個都超可愛﹗】似哂媽媽咁靚女~

女人天生鍾意打扮，呢個定律無論係三歲定八十歲都啱用！藝人洪欣呢日喺微博晒相，相中所見，佢嘅囡囡張晞彤人仔細細好貪靚，仲偷用媽咪嘅手袋襯衫，又打扮到成個「小大人」勁得意，連爸爸張丹峰都忍唔住錫錫囡囡！洪欣亦笑言：「原來彤彤也是一個很喜歡包包的人，看來很快就會跟我搶包包用啦！」

另外，歌手關心妍同老公楊長智育有囡囡楊榮心（Jovia），呢日楊長智喺社交網晒囡囡嘅得意相，相中Jovia玩到好悶，突然擘大口仔「打喊露」，認真CUTE到暈！有網友仲留言話Jovia擘大口嘅樣，好似學緊媽咪開聲練歌咁，相當搞笑！