余文樂胞妹余文琪喺2015年同橫洲工業隊友兼前甲一球員陳守健結婚，妹夫陳守健今早喺Instagram報喜!
原來樂仔細妹已經生咗B，妹夫陳守健喺Ig留言感謝老婆：「好多謝妳幫我哋增添一位肥肥白白、健健康康嘅新成員！今晚我見到妳咁辛苦，雖然妳受嘅痛楚時間比一般人短，但我都深深感受到妳嘅痛，而我又幫唔到手，只可以緊緊握著妳嘅手，說一些鼓勵嘅說話，為妳打氣。我想再講多次，妳真係好叻好勇敢！老婆，你是最偉大的！我愛妳！」又貼咗張相，見佢同余文琪十指緊扣，中間有個呼吸器，似乎係生B嗰陣，聞完「笑氣」。早前同樂仔細妹傳過緋聞嘅周柏豪，都有like呢個post!
此外，樂仔亦貼出妹夫抱住BB嘅相，寫道：「YEAH！我哋屋企又多個成員喇！我做二舅父喇！」唔少網民都問幾時到樂仔做老竇，o依家樂仔同台灣「皮帶大王」千金王棠云（Sarah）成日出雙入對，fans趁機催樂仔快啲結婚！
(蘋果日報)
