昨日是蔡少芬（Ada）的46歲生日，她的一班好友包括朱茵、Stephy鄧麗欣、原子鏸丶歐倩怡和戚其義齊齊為她慶祝。
雖然Ada剛剛宣佈懷有第三胎，不過她的步履依然輕盈，穿上一條白色連身裙到場，全程十足「開籠雀」，還滿場飛與其他人分享佗B心得！
老公張晉當然有份出席，他特地為老婆送上一束46枝玫瑰花和粉紅蛋糕，而且還親手撰寫生日咭，見到老公送給自己的驚喜舉動，Ada甜在心，更情不自禁向張晉送香吻，羨煞旁人。
事後Ada笑言：「佢記得我生日，仲準備咁大束花，已經好開心！」
問到張晉可有送禮物給她？她表示：「對上一次收禮物已經係聖誕節，當時佢送咗個手袋畀我，其實好感恩，我哋兩個都冇乜物質缺乏，買禮物都係為咗o氹吓對方，佢仲話我今年都冇送生日禮物畀佢。」
好姊妹朱茵笑言叫Ada再生多個，成為「多產」藝人，Ada即笑說：「啋過你！呢啲『多產』我唔要，工作嗰啲『多產』我就要，我就夠喇，冇手再抱，我老公要留番一隻手攬我，所以我『封肚』，生埋呢個夠晒數！」
Ada佗B佗得好靚啊！
至於生日願望，Ada表示最緊要是平平安安生個健康BB，昨晚好友的安排下，與老公共度二人世界：「琴晚有朋友送咗一間酒店房畀我哋，所以我要撇低兩個女，好好去享受，佢哋朝早已經同我講咗生日快樂，仲叫我玩得開心啲。佢哋兩、三個星期前已經送咗生日禮物畀我，佢哋將自己鍾意嘅玩具放落鞋盒送畀我，不過轉個頭就攞走晒。」
相關新聞：
【最年輕視后生活超貼地】佗B蔡少芬46歲生日孖囡囡食麥記 https://bit.ly/2m0YL8g
(綜合報道 / appledaily)
