藝人黃澤鋒與太太陳麗麗昨日到尖沙咀出席電影《第一滴血：終極血戰》首映，這次是他們首度放低兩個月大囡囡外出拍拖睇戲。
陳麗麗指因開刀分娩，暫時未能做運動收身，之前亦因妊娠問題水腫了一個月，近期才續漸消腫，她表示：「出嚟好唔捨得個女，佢依家開始多花臣，會望住我哋微笑，好冧。」
昨日是陳麗麗產後首次公開亮相~
黃澤鋒指他是一個慈父，太太陳麗麗就扮演惡魔，他說當囡囡小黃妃被鬧時會望着他求救~
他說：「依家就好多時都會做做吓嘢返去望下佢，佢好萌(可愛)咁望住我，所以好掛住佢。」
他續說：「啱啱第一次同佢沖涼，依家成11磅，隻手有四節，大髀就有三節，依家先知佢咁肥，依家係最好玩，雖然佢仲未戒夜奶會辛苦啲，但係都好享受過程。」
黃澤鋒又笑為女兒肚餓起來連「父乳」也不放過，追着想吃，他笑說：「費事畀啲『鹹父乳』佢歎啦。」
(綜合報道)
