【傳男主角係馬國明 女主角係…】李佳芯黎諾懿無份拍《BB來了》

上年大熱貼地的無綫劇集《BB來了》，收視和口碑佳，至今仍好評如潮，更令由友台轉會的李佳芯(Ali)成為視后。

原本劇集一早已計劃開拍續集，九月底原班人開拍，可惜之前李佳芯傳捲入政治風波被內地封殺，更被無綫雪藏，就連她之前代言的支付寶及化妝品牌廣告都被抽起。

據知現時亦決定續集全面換角，故事仍以BB系列為主題，但男女主角就傳換上馬國明及岑麗香，今次是香香產後復出之作，而李佳芯繼續入雪櫃之餘，黎諾懿都慘遭拖累。

李佳芯近日接受傳媒《東網》訪問時說：「本身都聽過會有改動嘅，但我冇聽過會轉成點，亦有講過唔拍住，本身啲期撞得太犀利，自己亦負荷唔到拍完一套三十再拍一套廿五集。」

Ali再被問到會否覺得好拍檔黎諾懿被拖累，她回答：「唔使擔心啦！佢本身都有好多綜藝節目，公司都有好多劇，唔驚冇得做，每個演員都有價值，都會用得着。」

傳媒又訪問了黎諾懿，他坦言覺得可惜，但亦明白沒有人想發生，他說：「《BB來了》係我同佳芯嘅一個佳作，其實拍續集如果冇咗邊個都唔好，唔再係原汁原味，所以起用其他人拍都啱，以全新嘅陣容，全新嘅故仔去睇。其實拍續集都有壓力，依家咁都OK，有個美好嘅回憶。」

而馬國明受訪時坦言還未收到公司通知，現時忙於拍攝《使徒行者3》，要拍到年底：「我未正式收到通知，公司安排我哋就要拍，有得開固然開心。（同香香合作！）我之前都同佢合作過，佢係會令到同事好舒服嘅演員。」而香香於截稿前未有回覆。