由藝人鍾景輝、吳岱融、蔣志光、張振朗和黃心穎主演的無綫劇集《牛下女高音》之前因黃心穎偷食人夫許志安事件而被抽起，及後又有指會安排江嘉敏頂替黃心穎一角重拍，可惜最終重拍無望，像似永不超生一樣。
但最近有消息指，《牛下女高音》最後居然擊敗了其他劇集如《C9特工》、大陸劇《鳯奕》，成為台慶劇之一，並鐵定於10月7日晚上八時三十分播出，一共三十集。據聞，黃心穎可能會回歸幕前。
而《牛下女高音》監製黃偉聲接受傳媒《東網》獨家訪問，提到此劇是黃心穎放生第一役，問心穎是否會返港配合宣傳？黃偉聲謂：「我點搵佢呀！我都搵佢唔到。（公司有冇甚麼指示？）公司冇講過啲乜，冇話唔畀佢宣傳，不過我曾經Whatsapp過佢，通知佢個劇出街嘞！但佢都冇覆我。而且我哋呢套劇主要嘅戲都唔係喺佢嗰度，係喺鍾景輝、蔣志光唱家班嗰度。」他坦言上周五才接獲通知：「啱啱先完成宣傳短片、開完會，淨番幾個禮拜，都比較急。（心穎返嚟協助宣傳？ ）佢都唔喺香港。」
安心事件爆出後，曾傳女主角改由江嘉敏擔任~
問到女主角缺席宣傳，會否有影響？黃偉聲表示：「其實套劇最主要係講鍾景輝搵返7個四十幾年冇見嘅徒弟，大家重溫以前唱歌嘅快樂時光，呢個先係主線，而佢哋一齊去搵好好聽嘅女高音。（女高音唔見咗？）女高音可能係車婉婉、羅冠蘭都得㗎。」問到可有刪減心穎戲份，他表示：「完全冇，足本版30集。」
鍾景輝和張振郎亦是劇中主要人物之一~
而演員之一的韋家雄亦現身電視城化妝間，韋家雄對於劇集終見天日大感高興，且謂：「抵我將僅有幾個chord都攞埋出嚟，我會自彈自唱嘅。」
(綜合報道 / on.cc)
