【白衣大媽撕毀海報便利貼 打細路】男途人：影住佢個女個樣

近日馬鞍山有大媽撕毀連儂牆，更出手推撞男學生，惹來一眾路人喝止，雙方爆發衝突。

有網友於周一（9日）在Facebook群組「馬鞍山之友 MOSers（Since 2014）」上載一段影片，在港鐵大水坑站附近的行人隧道內，有一位穿著白衣的大媽不斷撕毀海報及便利貼。期間疑遭途人制止，然後她用帶有口音的廣東話斥對方為「走狗」，期間這位白衣大媽一度被扯走太陽帽，露出容貌，場面混亂。

當時，有持手機拍攝的男學生反駁大媽：「咩走狗呀？」並斥罵：「你幾多歲呀你！」白衣大媽聞言捧起一堆撕下的紙團撞向男學生頭部，只見男學生猝不及防，往後退了幾步，直呼：「我好痛呀」。

其後有女子及幾名中學生見狀立即跑上前制止大媽，期間有男途人大喝：「影住佢個女個樣呀，你打人哋，打人細路嘛」。護女心切的大媽聞言抱住女兒：「唔好影我細路」，又一度被扯走太陽帽，場面混亂。

不少網民留言：「癲婆一個，不知所謂」、「帶住個細嘅，就唔好搞咁多嘢啦，有無腦㗎」、「妳打人個仔就可以，做乜攬到個女咁實呀」、「父母若真愛錫子女，一定唔會帶她去撕紙，更唔會叫佢去影人相，呢個阿媽好自私」。