黃嘉雯前晚當選成為2019年度港姐冠軍，昨日即開始連串訪問及領獎工作，可謂有排忙。今日她趁空檔在社交平台發長文感謝身邊人，由參選至當選給予的支持。
黃嘉雯長文如下：
沒有人可以知道人生可以行到有幾遠，但如果怕失敗而選擇原地踏步的話，就會錯失左好多好美好既事情。
呢兩個幾月裏面，我地經歷左好多事情同難關，當中有開心丶有挫折丶有淚水、有汗水；但這些一個又一個經歷令我成長左好多亦令我又好深既感受。學識左無論面對咩困難同挑戰都要微笑堅強咁去面對。從來無諗過今年我地呢一班女仔可以咁團結，我相信無人可以感受到我地之間既共鳴，如果呢兩個幾月無你地一齊經歷呢個旅程都唔會咁完美同快樂。
我好感恩我有一班好好既朋友同屋企人做我強大既後盾，無左你地我未必可以好有自信咁企係台上表現最好既自己。仲有一班非常投入既星級評判同觀眾，你地既歡呼聲令我地每一個人都好享受呢個晚上!! 多謝曬所以支持同幫助過我既人，因為有你地係我身邊而感到驕傲。收到好多好感動既祝福，我會好好記住在心中。
人生最好既旅程不在於世界每個角落；人生最美好既旅程原是人生本身！多謝您地令我呢個最長既旅程變得更精彩！ 繼續維持平常感恩既心。
#俾少少時間我會逐一覆返你地
#太多人要感謝不能一一盡錄
#misshk2019
(綜合報導/明報娛樂)
