【更多靚婚照曝光】有傳係雙喜臨門 曾太王敏奕親回應

曾志偉仔仔曾國祥琴日同低調相戀的女友王敏奕（Venus）於日本成婚，成為曾太嘅王敏奕分接受東網訪問時分享感受，仲即刻改口叫曾國祥做「老公」：「多謝，好感恩有重要的人都在，全晚充滿快樂和愛！老公當然係滿分。」

新婚讌爾嘅佢，透露心急工作，竟然唔去度蜜月，佢話：「要先回港工作，旅行成日都可以去，我要幫之前拍嘅戲做後期配音，仲有宣傳新劇，10月頭有劇上。」

有傳係雙喜臨門，Venus就答：「唔係唔係！」睇嚟婚後嘅佢，更加為事業拼搏！另外問到佢係咪有造人計劃，佢就話：「順其自然。」

此外，婚禮賓客之一嘅陳瀅再喺社交網分享照片，見佢嘟起晒嘴向新娘子獻吻，王敏奕仲眼紅紅咁，而孫慧雪就同埋老公到賀！