現年65歲的韓馬利（Mary姐）跟第三任丈夫、配音員杜燕歌非常恩愛，Mary姐上月初還榮升奶奶，見證囝囝娶老婆。
可是，上月底卻突然在社交網自爆入院兩周，與死神搏鬥兩星期，原來她患了腦膜炎，經醫生悉心醫治後已出院返家休息。
Mary姐上月底回覆傳媒時，氣若游絲表示身體非常虛弱，經常要睡覺休息。
《蘋果日報》昨日再致電Mary姐，她的聲線仍然很弱，但明顯説話大聲了一點，Mary姐講到近況時說：「多謝，我好咗好多啦，不過仲係好虛弱，好攰，成日都要瞓覺，咁咪成日都瞓囉，起碼而家我有番啲氣可以講到嘢，同埋有番啲胃口，我老公服侍得我好好，多謝晒你哋擔心。」
Mary姐大讚老公杜燕歌照顧得自己好好~
在此祝福Mary姐早日康復，多拍精彩劇集給觀衆欣賞！
(綜合報道 / appledaily)
