05年港姐冠軍葉翠翠於17年誕下長子Jake，18年更誕下次子Triton，上月更再次宣佈好消息，宣佈三年抱三，第三度有喜！
第三名子女將來臨，家中大小事情並不是一個媽媽可以應付得來的，何況翠翠目前懷有第三胎，體力相對較平常人低，所以翠翠一直希望請到外人幫手，打理和分擔一下家頭細務~
今日葉翠翠在社交網站貼出兩名菲傭的部份樣貌及部份證件圖片，並撰文道：「現在的工人真係好差！！本來已不打算公開！但這兩個菲律賓工人逐個粉絲發訊息，實在忍無可忍！如果大家收到這些訊息，記得要幫我舉報佢。」
由葉翠翠的圖片中可見，有人在社交網站以英文私訊表示：「葉翠翠是一個自私自利的醜惡婊子，沒有傭工可以忍受她差劣的態度。」
葉翠翠又寫道：「做咗24日搏炒，話自己唔會做嘢，叫我炒佢，仲要我補一個月（薪金）。當日請左兩個菲律賓工人，來到發現原來從未試過工作，agent講大話，工人講大話，而且發現係兩姊妹。先後大大聲話唔再工作，叫我炒佢，一個做左24日，另一個做左1個月另9日（9月2剛離職）。兩個都係講明要我炒佢，補錢！」
葉翠翠接著表示：「仲話要去菲律賓領事館投訴我，我一啲都唔驚，我跟足勞工法例做，agent去到領事館，都係個賓妹輸咗！Interview講得清清楚楚有兩個仔，年齡，全部講清楚，但係來到之後兩個都話唔想照顧。」
然後葉翠翠開始大數兩名菲傭惡行：「搣我細仔，B水壺/水杯從來唔洗，抹碗布和地布夾在一齊，士多啤梨唔洗就畀小王子食，打開雪櫃自己煲雞湯飲，種種惡行不能盡錄，看盡人性醜惡。」
最後葉翠翠寫道：「今次公開，係不想有第二個家庭受害，我都已經去信入境處。另外一個離職時我仲有報警求助。希望大家都小心。」
葉翠翠Facebook
(綜合報道 / facebook)
