暑假放完，踏入九月當然係要返學啦！唔知各位家長呢兩日開學日過成點呢？
大緊肚嘅蔡少芬兩個囡囡都開咗學，高齡佗B依然親力親爲，有氣有力~
而今年兩嵗Bob細仔林道申（Jaye）開始入讀學前班喇~
育有三女一子嘅林盛斌（Bob），2歲細仔林道申（Jaye）亦都開始返學喇！
琴日係開學日，但因為颱風影響，上晝掛三號風球所有幼稚園、肢體傷殘兒童學校、智障兒童學校停課，開學第一日已經唔使返學有假放。
天氣終於見晴，要正式返學。身爲四個仔女嘅Bob今日抱囝囝返學，點知Jaye喊到淚流滿面，望住爸爸求饒，真係睇到人勁心痛！
Bob都一面不捨扁晒嘴，留言：「噚（尋）日三號風球救咗你，今日冇咁好彩嘞！『爸爸，你唔好唔要我啦，點解你咁狠心，點解呀……』」仲話「今次已經係第四次俾（畀）途人以為我販賣兒童 三個家姐都係喊到全條街嘅人睥住我 每個小朋友必經之路」
網民見到Jaye個慘喊樣都深表同情，但作爲大人、父母都明白呢個係必經階段，希望Jaye能夠快啲適應學校生活！
(綜合報道)
