【為舞台劇犠牲】江美儀大呻：打人打到自己手都痛

藝人江美儀昨晚現身舞台劇《但願人長久》慶功宴，並以誇張眼妝示人，她解釋因角色所需，而每晚都會畫上不同顏色眼妝。

江提到剩下兩場演出，她大感不捨。對於自己的演出，美儀稱每場都很順利，之前曾擔心觀眾人數會受外圍環境影響，幸影響不大，加上觀眾都能安全回家，很感恩，果然人美心甜。

美儀提到她在劇中要花很大氣力皆因劇中情節需要：「我要打人十巴，畀對方打番一巴。有個男仔畀我打到飛甩眼鏡，有個畀我打到耳仔轟一聲，冇辦法，唔用力又畀人講揸流攤。」她還道：「我因為手痛就自己刮痧，啲瘀青浮晒出嚟，我隻手只係抱我隻狗，平時都唔使做嘢，可能之後要去醫生度檢查吓。同埋我對腳都瘀晒，因為我喺套劇要扮醉酒，撞到瘀晒都唔知。」她坦言為此更打到手痛，認真專業。