健力士世界紀錄最長壽的DJ郭利民（Uncle Ray）日前接受港台《舊日的足跡》節目主持車淑梅訪問，分享未來大計，並透露昔日與方逸華的戀情。
將在今年12月迎來95歲大壽的Uncle Ray，依舊在周一至周五晚主持港台節目《All The Way with Ray》。為慶祝95歲生日，他將推出入行70年特選的中文唱片及出版中、英文版自傳，並接受香港歷史博物館的邀請，在2022年公開展出個人收藏物品，包括國際巨星披頭四樂隊(The Beatles)四子的親筆簽名及眾多珍貴的黑膠唱片。Uncle Ray更希望在2024年踏入100歲當日榮休，並舉辦一個100歲壽辰生日演唱會，邀請所有他認識的歌手一起慶祝。
多年來一直保持單身，Uncle Ray被問到可曾拍過拖？他笑說︰「我唔得閒呀！我要去音樂會、做直播、跑馬、去派對。不過，我靜靜地第一次話畀你聽，其實我有拍過拖，可能你會唔相信，方逸華其實係我女朋友。」
Uncle Ray續說：「佢好鍾意唱歌，我好鍾意音樂，我哋好合拍，最鍾意去淺水灣沙灘嗰度唱住歌嚟拍拖，我哋拍咗拖幾年後唔成功，（分手）唔係我決定，又唔係佢決定，係上天嘅決定。」
方逸華年輕時喜歡唱歌
「我哋一直都係朋友，每一年我生日佢（方逸華）都會特意送上一份名貴嘅禮物，但係從來都唔會留低食飯，邵逸夫先生走咗之後，我哋依然係好朋友。」
對於現在香港的困境，在香港土生土長的Uncle Ray，拋下一句說話︰「希望香港人唔好搞到香港難住，做人最緊要對人好，開心做人就會長壽。我最鍾意食香港嘅咖喱雞飯，我從來冇諗過移民，希望到最尾都係香港人。」
（綜合報道 / appledaily）
