前港姐張名雅現身《Little Miss Hong Kong 2019》選舉記者會，她笑言候選小朋友是她的小師妹，她教路說：「我覺得最重要唔好緊張，不過佢哋個個好叻，咁細個已經參加呢個選舉，我好鼓勵小朋友參加課外活動，我以前喺加拿大讀書都有參加鋼琴比賽、跳舞比賽，贏輸唔重要，但會學到好多嘢，對自己有幫助。」
記者就問名雅兩個仔仔是否參加很多課外活動，她就回答兩兄弟一個兩歲半，細仔衹有八個月，還未安排到課外活動學習。
張名雅稱大仔剛入讀學前班，之前送對方返學：「囝囝好唔慣，佢話唔想返學，佢有喊，搞到我都眼濕濕，嚇親老師，問我係咪整親，我叫佢哋唔使理我，我只係好感動。返學係好事，但小朋友好想黐住屋企人，我入到課室好震撼，全部小朋友都喊，好慘，個個喊到啞。」
媽媽張名雅爆仔仔不想上學~
老公有無喊？「佢冇我咁誇張，佢冇喊，媽咪會感性啲。」
問到已有兩子的她會否想追女？
她坦言短期內不會再生：「我啱啱同無綫續咗約，會集中工作先，十月會開拍《BB來了》續集，生BB就遲啲先，而且我有兩個小朋友都夠。」
(綜合報道 / on.cc)
