【細女100日晒全家福】兩女之母黃婉曼再追第三胎

五月時藝人黃婉曼（Icy）誕下第二胎囡囡Kaitlyn，出世時重7磅多，Icy開心地說：「囡囡手指腳趾都好長，仲有好叻飲奶。」

她說大女看見妹妹一刻，先是好奇，後才興奮，她說聽朋友說要代妹妹送禮物給大女，發覺非常有效，笑說大女收禮物時好開心，仲大方分享她最愛的乳酪糖，她說：「覺得之前嘅準備功夫冇白費到，之前好勤力同大女講一本叫做『你要做姐姐了』嘅故事書，畀家姐知道BB餓和喊要飲奶，要幫BB換尿片，以後大女有個伴，姐妹可以講心事係我嘅願望。」

Icy說今胎仍是開刀生，過程十分順利，讚醫生手勢好好，原本佗B時胃口不佳，但估不到BB出世也有七磅多，而且一出世就追人奶飲，她說：「大女出世時唔肯飲人奶，擔心咗一輪，今胎BB就好肯飲，第一日就可以埋身喂人奶，輕鬆好多，上胎自己奶水唔夠，原本諗住今胎順其自然，預備咗畀奶粉佢飲，點知佢肯飲，好有滿足感，原來個個唔同，第二胎同第一胎都唔一樣。」

早前與老公馮栢基為二女Kaitlyn舉行百日宴，她說百日宴只是屋企人簡簡單單食餐飯，在平日屋企人食開的「飯堂」食餐飯，並沒有請朋友。