【姊妹決裂】「鐵面陳」爆喊戲獲讚 王致狄表示有特別下苦功

    「鐵面陳」王致狄(Andy)同「Rebecca」沈可欣喺處境劇《愛.回家之開心速遞》中組成嘅「鐵碧CP」大受歡迎!

    正當大家睇好佢哋開花結果…

    點知劇情峰迴路轉,日前播出嘅一集中,「Ma姐」何綺雲竟然同Rebecca姊妹決裂,為咗激對方而加入力爭鐵面陳正式宣戰,令唔少網民都大讚有新意。

    除咗呢個三角戀組合大獲好評,戲中Andy因被何綺雲利用,繼而誇張爆喊一幕亦受到熱議!

    Andy表示拍攝時都有特別下苦功:「喺現場我都坐埋一邊培養情緒,最後都好順利咁完成咗嗰場喊戲,出到嚟嘅效果都幾唔錯,有唔少朋友睇完之後話我喊到差啲爆咪,不過就話睇到好過癮。」

     

     

    (on.cc)

    SHARE