今年39歲的樂壇天后容祖兒（Joey），今年一月承認單身，與師兄劉浩龍的五年情正式結束。
而剛剛完成演唱會的Joey被好姊妹阿Sa阿嬌爆料指其實Joey有很多人追求。今日就有媒體爆料指Joey和一位貌似梁競徽的已婚男士，亦即是王菀之叔仔的Gavin So拍拖！
王菀之最近在Joey演唱會演出~
任職連鎖食店高層的Gavin和女星特別有緣，早前有讀者爆料指他和甩拖的湯怡着情侶波鞋去行山，因此傳出緋聞，但湯怡和Gavin均否認。
而39歲的祖兒被指暗撻Gavin，兩人低調約會，到中環商業大廈食二人浪漫餐，還歎足三個鐘，用餐後後同車離開。更傳出七月中時，兩人曾出發到東京旅行玩足四日三夜，並前後腳返港掩人耳目，又指祖兒在紅館開騷期間，Gavin晚晚到後台支持祖兒。
Gavin接受電話訪問時表現有禮，連聲否認緋聞：「冇呀，冇呀，冇同祖兒拍拖亦都冇去日本旅行呢件事。（一個人去日本？）呢啲唔答啦。（咁食飯呢？）同朋友普通食飯啫，做我（即指作新聞）。」再問他為已婚人士，可擔心緋聞影響家人？他又說：「呢啲唔答啦。」而祖兒方面未有回覆。
（綜合報道 / on.cc）
