【田蕊妮處女下海】吳業坤:去你屋企定我屋企

    視后田蕊妮作客TVB娛樂新聞台節目《StarTalk》,接受主播許文軒(Edmond)專訪,大談即將首度舉行演唱會的感受。

    阿田說:「今次我邀請我爸爸做嘉賓,佢開心之餘,亦都緊張,佢作為我老竇,關係冇得切割,所以佢冇得唔答應!其實我爸爸係退休人士,突然間佢有啲嘢做,有嘢寄托,我都好開心,有一日佢打畀我,問我到時着咩衫,使唔使買條西褲,佢真係好好笑。」

    為了演唱會,阿田亦決心學結他,她說:「人要不停學習,我今年想去學演戲,因為成日睇番自己嘅演出,都覺得唔夠好,最近亦學結他,本身叫吳業坤教我,不過佢實在太忙,而且佢成日講笑問我去我屋企定佢屋企學添,激死我!」

    「依家我老師話我可以見得人,但我仍然挑剔自己,到時我會喺演唱會上自彈自唱一首歌,完咗個騷我會繼續彈,唔會放棄,因為我好有興趣。」

     

     

    (on.cc)

    SHARE