盧宛茵(Madam Lo)入行近五十年，昨晚假麥花臣場館舉行首個騷《盧師動眾madam lo show》。Madam Lo一直在娛樂圈中人緣極佳，首個棟篤笑獲家人、好友宣萱、麥長青、細龍生鄭世豪、細龍太陳偉琪、鄭敬基及老婆、黃智賢、林偉、尹揚明等現身撐場，高朋滿座！
一眾當紅男星苗僑偉、古天樂、林家棟、郭晉安、曹永廉、黎諾懿、森美、陳展鵬、陳山聰、王喜、羅仲謙等拍片祝賀。
Madam Lo在台上載歌載舞，更邀請一班第二期演藝訓練班同學上台話當年，怎料被同學大爆她當年好多男友，差不多日日有人接放學。
最後她罕有深情剖白講家庭，自稱眼淺的她未講先灑淚，同時背後曬出多張家庭照…
「本來唔想講，我有過一段失敗嘅婚姻，冇辦法要自食其力，離婚後嘅生活要盡母親責任、又要負擔生活費，膊頭千斤重，覺得多年嚟都對仔女唔住，要佢哋喺破碎家庭長大，知佢哋童年好唔開心，我一直都耿耿於懷，欠咗佢哋咁，希望佢哋原諒我，但依家我兒孫滿堂，佢哋應該原諒咗我。」
跟隨唱出《心債》，唱畢她的子孫、朋友相繼上台獻花，場面感人！
(綜合報道)
