【自己覺得值得】雯雯開腔護張致恒:唔通就要判人死刑

    張致恒(Steven)上月宣佈將與粉絲雯雯結婚,並已誕下兒子天寶。

    而早前Steven的連串桃色糾紛,幸好已經暫告一段落…

     

    事件似乎已雨過天晴,成功「以一敵四」的雯雯昨日抱B宣示主權後,今日再發功,直言會原諒Steven的一切,她說﹕「世界上冇人唔會做錯事,你同我都一樣都會有錯嘅時候,至於值唔值得原諒,每個人都會有唔同睇法,而我覺得都未畀機會,唔通就要判人死刑,感情事從來冇分對與錯,自己覺得值得就繼續。」

    或許雯雯亦承受好大壓力,表示即使全世界不看好,也希望與Steven行下去,她說:「就算全世界幾唔睇好係(喺)度鬧,自己選擇嘅就要努力同佢一齊行落去。至於小朋友成長會係點,開心唔開心好同唔好,都唔係你同我可以去做結論,既然佢已經嚟到呢個世界,就俾(畀)空間佢去行佢嘅人生,所以希望大家可以停止去傷害同侮辱,一個只擁有一顆天真嘅心,無論發生幾唔愉快嘅事,都係會帶住笑容的小朋友,我仍然相信每個人都有善良嘅心。」

    雯雯發文開腔護未婚夫Steven

     

     

     

     

     

     

     

     

    (IG / 綜合報道)

    SHARE