歌手譚嘉儀前日(13日)31歲生日,人緣甚好嘅佢就獲大批藝人好友為佢舉行Party慶祝,當中包括何雁詩、鄭俊弘、羅天宇、羅孝勇、翟威廉及周志康等,場面相當熱鬧!
譚嘉儀喺社交網大晒多張生日靚相,見佢又收花又收蛋糕咁,收穫非常豐富,不過竟然被爆「造假」,係佢自己買99支玫瑰畀自己嘅?
佢留言向好友致謝:「尋晚嘅生日 Party 真係好開心 ! 一收到呢一紮花嘅時候,真係好驚喜,點知威廉同呀(阿)康就話:『嘉儀!做咩買花比(畀)自己呀?』笑死我……」
原來佢哋都係講笑啫,有咁多人錫使乜自己花錢買呀?!
佢仲話:「多謝你哋每一個,仲要多謝你哋給我的3個蛋糕即係有3個願望。真係好靚!唔捨得食呀!」
每個蛋糕都好靚呀!
(on.cc)