《愛．回家之開心速遞》「池美麗」鍾凱琪早前正式展開減肥大計，的起心肝去做Gym！
佢話初期確實感到氣餒：「話說開始咗兩個月嘅減肥計劃，其實初初真係好氣餒。因為感冒，致未盡全力一路都冇跌磅。」見佢5月時仲係食食食！
「不過最近兩星期勤力咗，總叫有少少成績。今日同屋企人行街嘅時候，終於初嘗小小成功嘅快樂 。」
點解咁開心？因為佢去Shopping獎勵自己時，發現終於着得落啲衫呀！
佢話：「但三個月前我係完全着唔落………………今日試完真係超鍾意忍唔住，買咗！敗家……其實我仲睇中多幾件嘅，不過再買就冇錢呀。等佢減價or我再勤力啲返工先啦！」
好多網民都留言為「美麗」打氣：「越（愈）來越（愈）美麗！！！」、「我都開始做運動喇；大家一齊努力」！
真係對減肥人士有好大嘅鼓舞！
（on.cc / Instagram）
