【囡囡大哭】琦琦承認係最後一個知道:個女攬住我

    任達華(華哥)早前在中山出席活動遇襲受傷,被人用利器刺腹及右手四隻手指,經過治療及留院後,目前華哥仍在家休養。昨日老婆琦琦出席活動,她表示老公慢慢康復中,但仍需一段時間才可復工,而受傷的手指要做物理治療。

    琦琦和囡囡任晴佳每天陪伴華哥,琦琦自爆之前不懂煮飯,但現在為華哥學煲湯,她說自己上網學習,又笑言對老公「五星級服務」,華哥很認同琦琦廚藝,令身爲老婆的琦琦大為開心。

    問到琦琦的工作有否受照顧華哥影響?

    琦琦說:「老公最重要,旅行和海外的工作全部暫停,難得老公有假期,要陪他。」華哥有否呻悶?琦琦說:「不會,有我和女兒陪着他,他又可以看戲,跟狗狗傾偈和玩,我和女兒都煮東西給他吃,所以他在家休息,也很開心。」

    再談到華哥受傷當天,琦琦指她是最後一個知道的人…

    琦琦坦言當時是人生中最難過的Moment:「我係最後一個知,因為華哥話唔准講我知,但之後老闆楊受成話做手術一定要家人同意。當時我仲喺北京執緊行李準備飛去上海,突然見到手機微博個訊息話佢受傷,先知道出大事。跟住打畀老公同工作人員都冇人聽,心跳加速,幾十分鐘後了解咗情況,真係人生中最難過嘅Moment,因為唔能夠喺佢身邊。我上機前華哥打咗麻醉針,所以傾唔到偈,後來航班延誤,加上返到香港太大雨,唔可以即刻落機,係最痛苦、最漫長嘅五個小時!」


    她指囡囡得知爸爸受傷後大哭:「我好無助,但上機後個女攬住我,我哋一齊祈禱,佢真係貼心小棉襖!之後我有話華哥應該第一時間話我知,佢話唔想我擔心,但其實令我更擔心!」

    那隻熊啤啤是否囡囡送給爸爸?琦琦回答:「係呀,因為買唔切花,阿女就拎最心愛嘅熊仔送畀華哥,好似我哋陪喺佢身邊。」

    因爲買不切花束,所以囡囡就送了自己最心愛的毛公仔給爸爸,真的很窩心!

    一家三口歷過生死之間,感情又邁進了一大步,祝福他們三人繼續幸福快樂!

     

     

     

     

     

     

    (綜合報道  / on.cc)

     

     

    SHARE