民間發起的8.5全港三罷行動，除了多個政府部門及公營機構員工均表態支持罷工外，同時亦有多個工會、團體熱烈響應，袁彌明和吳啟明旗下的商舖亦決定在周一罷市，譚小環開設的小食店日前響應民間發起的全民「助養」方案，向年輕人提供食物。
德福店戰績
結果在昨晚接近凌晨時份，「渣哥一九九六」在facebook出post，回應8.5大罷工的安排：
「關於三罷行動，我哋呢幾日開咗好多次會，一直都拿唔定主意，究竟我哋三間分店應唔應該開門呢？罷工唔開，但又怕有熱血細路肚餓冇嘢食，想繼續提供「我愛香港」免費套餐；照開門，又怕大家誤會咗我哋唔支持今次活動，我哋討論咗好耐，一時就話罷啦，一定要支持到底，一時又會話唔係喎，又有其他原因值得開喎！咁我哋而家有個決定——就係照開，因為我哋覺得，每個人都有不同嘅崗位，有人負責救火，有人負責拎水，有人負責急救，咁我哋嗰三間舖，係應該做最後嘅食物支援。雖然都唔係話幫到好多，但好似人人出少少力，就可能推動到少少，希望大家唔好覺得我哋好傻，亦唔好介意我哋出嘅力唔係好大。」
有「細路」感激渣哥兩公婆，渣哥話感動到眼濕濕
至於當日的安排，他們說：「1 所有分店將會繼續提供「我愛香港」免費套餐，而當日之供應時間會順應提早由08:00開始至21:00。**真•細路如需要外帶給其他正在夢遊的真•細路，每位上限增加為8盒。2 當日所有公司員工，無論以任何原因需要請假，當然亦會無條件獲批准有薪假期。**基本法第3章第27條清楚表明：香港居民享有言論、新聞、出版的自由，結社、集會、遊行、示威的自由，組織參加工會、罷工的權利和自由。民主之精神，莫過於能確切表達民之公意。香港人加油」
渣哥話8月5日會繼續營業，不少網民都好感動！
(facebook / 綜合報道)
