兩子之母、前港姐冠軍葉翠翠以代言人身份出席活動，她笑言自從「轉行」做KOL後吸納很多媽咪粉絲。
現時湊住兩個仔仔的翠翠坦言既辛苦且攰，因為屋企沒有長輩幫手湊B，所以最近請了兩名家傭：「同囝囝相處都OK，同佢哋玩就開心，冇抗拒。」
翠翠又預言哥哥「小王子」長大後或會做運動員：「佢好大隻，可以撞跌我，而細仔就文靜啲、斯文啲，畀哥哥搶玩具都淨係識喊同坐，遲啲可能會打交。（大仔錫細佬？）有次細佬掉玩具落地下畀老公喝住話No，大仔就打老公，仲用枕頭塞落佢個頭度，平時唔覺佢哋咁好感情！」
媽咪話哥哥小王子好大隻~
細仔就文靜斯文型~
問到兩子之母會否追個囡囡？
一年前細仔出世，她當時曾揚言要封肚，沒有計劃生第三胎，意外都要避免：「老公有話生個女，但如果再生都唔係女咁點，再生仔真係連屋都拆埋呀！」
一年後的她竟然轉曬口風，她表示不會為性別而生：「再生都係因為想要第三個BB。（依家Ready？）都Ready，順其自然啦！」
這次翠翠的答案似乎都好想追多個，希望她和老公都一切順利，一家四口過得開開心心！
(綜合報道 / on.cc)
