歌手關心妍前日（31日）40歲生日，因為打風佢返唔切香港慶祝，不過有心唔怕遲，呢日佢嘅一班圈中好友鄭欣宜、許廷鏗、連早前因拍劇不幸受傷嘅胡鴻鈞都開心出席！
關心妍仲大晒好友親手為佢做嘅粉紅士多啤梨生日蛋糕，真係Sweet到暈。
唔知大家有係咪有「Dress code」，今次生日會除咗壽星關心妍靚靚化妝現身，其他人都好似無乜打扮，胡鴻鈞又無Gel頭咁見人，許廷鏗戴個眼鏡仔遮黑眼圈。
欣宜仲要全素顏上陣添，果然生日嗰個真係大晒，壽星至靚女！
（on.cc）
【壽星至靚】關心妍生日 明星好友個個素顏上陣
