無綫電視城門外尋晚（1日）發現有一幅大型帆布。
揭開帆布見用黑色噴油喺牆上寫上「TVB黃庭鋒欠債還錢」嘅字句。
令現年30歲嘅藝人黃庭鋒捲入欠債疑雲。
黃庭鋒2015年加入Now TV任職體育節目主持，2016年轉投無綫電視從事相同工作。2017年12月轉簽無綫經理人合約。最為人所熟悉係佢喺《萬千星輝賀台慶2018》中擊敗汪明荃奪得百萬獎金及獎品，其後佢喺劇集《救妻同學會》中飾演「賤佬」一角，演技備受認同。
於凌晨時段，他喺IG交代事件，強調自己同家人未有欠債同賭博，唔明白點解會發生上述事件，並即時報警處理：「對於今晚有傳媒的報道，自己同家人無故被抹黑，感到非常驚訝。我同家人都冇牽涉任何金錢糾紛，更冇賭博或者欠債，我們已經即時報警，希望警方早日徹查真相。今次事件嚴重影響到我同公司。唔好意思，對於傳媒朋友及好友們的來電及訊息，未能逐一回覆。請大家不用擔心，清者自清，時間會證明一切亦感謝公司信任及朋友嘅支持。我會繼續做好我嘅工作，多謝大家關心。」
唔少粉絲都留言支持黃庭鋒表示相信他，亦希望事件早日水落石出。
（on.cc / Instagram）
