藝人劉佩玥（Moon）近日唔使開劇，當然要抽空相約一班好友相敍啦！Moon近日喺IG PO相指同呢班朋友已經相識10幾年，大家之間一直互相扶持，共同度過無數經歷，即使世界點變都好，大家之間嘅感情依然不變，一切在心中。
Moon留言：「當世界在變 ，人心在變，十多年了 我們卻依舊，毒舌上關懷 ，嘴賤下愛護，嘻，感恩妳們一直愛我懂我，我的獨角獸，我的微笑之道 。」真係幸福〜
見Moon攬住班朋友實一實，笑得好開心，就知道呢班朋友對佢幾咁重要，所以話真心朋友要好好珍惜呀！
Moon仲教大家點樣分辨真正朋友，只要肯為你做三樣嘢，咁呢個就係你一世嘅好朋友：「找到肯為你親手整甜品的人，找到為你留一口甜品的人，找到不逼你喝酒又可以自己喝得很高興的人，那麼你找到了一輩子的朋友了。」唔知大家睇到呢到有無唸起身邊嘅朋友呢？嗰個就係你一世嘅好朋友啦〜
所以話人生其中一種幸福就係擁有會陪你一世嘅好朋友〜
（on.cc / Instagram）
