藝人黃婉曼（Icy）投資嘅手工麵包餐廳開幕，除咗老公同兩歲大女出席外，黎燕珊、陸詩韻、蔡雪瑩、林燕玲等亦現身撐場，席間眾人為日前生日嘅Icy大女唱生日歌同送上蛋糕，場面熱鬧。
一家人齊齊撐場！已有兩個女兒嘅佢，大讚大女相當乖巧，會幫佢喺產品上黐貼紙，又識得抹廚櫃：「呢排忙緊搞開張，搞到尋日大女生日冇時間陪佢，好在佢都冇扭計。」真係幾乖女〜
Icy透露呢間已經係第三間舖頭，由於店內集麵包、甜品、餐廳同烘焙課程於一身，故投資費用相當高，所以Icy都要趕返工頻頻搵尿片同奶粉錢，忙到唔得閒餵細女飲人奶，好在細女兩個月就已經10幾磅。
Icy產女後似乎就未收身，佢話宜家距離目標仲有10磅呀！被問到係咪兩個夠晒數，佢話：「暫時停咗先。（追個仔？）仔女冇所謂，依家兩個女都滿足，我係鍾意大家庭，但會先工作，再努力，暫時想做番自己一陣，雖然有師傅話我愈肥愈好。但我都係懷念以前做女嘅身形。」
（on.cc）
