歌手莫文蔚（Karen）出席金鐘慈善活動展覽擔任嘉賓，佢就話自己現正忙於籌備母親的80大壽，母親朋友預邀請二三千人，笑言仲場面仲盛大過自己嘅婚禮同演唱會，母親都非常緊張，已經俾佢賓客名單作安排。
被問到壽宴是否送給母親的禮物？佢就話：「佢乜都唔要，佢只係想我多啲返英國陪老公。」佢話自己忙於巡演很少時間陪老公，更試過一個月沒有見面，所以年底完成各地及香港站巡演後，便會專心留英國陪老公。「其實7月初老公生日有回英國和他慶生，並特別買了老公喜愛的卡通人物Tee和物品做禮物。」
Karen稱老公會來港出席壽宴，完成母親的壽宴後，就會到倫敦繼續巡演，到時老公一家人都會一齊去。講到Karen老公以為娶了她可以成日見，但卻事與願違一樣少見？她笑言：「係呀，點知都係難見，但佢好有耐性，證明我嫁得好。」
提到傳聞周星馳已結婚？佢就笑言：「唔知，但有聽呢個報導，唔知佢呀，佢咁神秘，你問番佢。（你同佢有冇聯絡？）最近一次已經係佢上部戲，我同秋官（鄭少秋）合唱首歌而見面。」被問到傳言嘅可信性？她話：「可信性就應該好低，但係亦唔奇，佢都一把年紀都應該結，真嘅話就恭喜佢。」
