《2019香港小姐競選》候選港姐一早起程去咗日本拍攝外景，大熱佳麗黃嘉雯精神奕奕，原來佢只係訓咗幾個鐘咋，佢話都幾擔心拍攝到夜晚會攰。
她坦言此行去日本會暫時放縱自己，帶備了半篋零食同杯麵隨時「補給」，笑住講：「喺日本放縱幾日啦，喺香港都有Keep Fit！」你咁Fit，偶然放縱吓都無所謂啦〜
雖然黃嘉雯仲未清楚拍攝行程，但佢已經有心理準備要上山下海，自言捱得苦，有報道指她有家底，家人住喺紅磡半億豪宅，佢就話唔覺得家境對參選有幫助，因為家人無喺金錢上支持，只係叫佢加油，仲話一向都係自己賺錢自己使〜黃嘉雯指參選了都唔介意被起底，自言都無黑歷史驚俾人揭露。
（綜合報導）
