想讓自己睇落去比同齡人年輕？根據《European Heart Journal》的醫學報告指出有2項運動可以增加體內端粒酶嘅活性，端粒（telomere）同端粒酶（telomerase）嘅功能在於確保染色體DNA嘅完整複製同埋預防分解，端粒嘅長度，某種程度上係一種生物學嘅年齡標記，而端粒酶可以穩定端粒嘅長度，其活性同細胞衰老或癌細胞嘅抑制有關，因此可防衰老。
早前，預防醫學期刊（Preventive Medicine）早前刊登咗美國楊百翰大學嘅研究調查5823位受試者發現，有定期運動嘅一組受試者，對比起成日久坐不動嘅嗰一組受試者，有運動習慣者嘅端粒長度較長，相等於身體年齡年輕9歲㗎！唔講咁多，想保持年輕嘅話，不妨試吓多啲做下邊呢2項運動！
1 – 耐力訓練
其中慢跑或快走嘅方法好有效，養成每次可以快走30分鐘以上，維持時速5-6公里左右來嚟運動，至少兩天一次，先係促進健康，維持身材嘅最好方式。
2 – HIIT
HIIT其實就係High Intensity Interval Training (高強度間歇訓練) ，原理係以「運動+休息」相間的循環模式，達到短時間燃燒卡路里嘅效果。最典型嘅 HIIT例子就係︰「衝10秒，休息20秒，再衝10秒，休息20秒…..重複10次」
HIIT除咗可以喺短時間令你心跳加速消耗大量卡路里外，更可以產生運動後嘅After-burn效果，令新陳代謝率提高，喺運動後嘅休息時都可以持續消脂！如果想效果更佳，連續做兩至三次就可以瘦更快！
運動注意事項
HIIT訓練雖然只要10分鐘，但其實絕唔輕鬆，一樣會有喘氣同汗流浹背嘅效果，若心肺功能不佳嘅朋友一定要量力而為，當覺得頭暈、胸口翳悶、呼吸困難，必須暫停運動，稍作休息。而運動嗰陣亦要保持呼吸，千祈唔可以閉氣！祝大家都有一個健康嘅體魄〜
(New Monday)
