藝人黎耀祥到電視城錄影《流行經典50年》，講到任達華在內地出活動遇襲，他表示明天都會上深圳出席好友書展活動，睇到華哥新聞都很擔心：「呢啲突發情況華哥已經反應好快，如果第二個反應唔切畀佢捅多兩吓。」仲話「但咁多年都未聽過藝人上台畀人刻意攻擊，出埋武器，背後總有啲原因，希望保安做好啲，上台小心啲，藝人冇法防範。」啱呀，希望保安保障好藝人啦！
被問到有冇試過啲驚險事，黎耀祥話雖然無，但都有比較熱情嘅會拉拉扯扯，衝上台攬或握手、趕極唔走，但都係基於係鍾意偶像姐〜但任達華件事就擺明係攻擊，所以黎耀祥要小心啲呀！
黎耀祥話自己都無乜保護方法，唯有自己小心，有啲人埋身望住對手有冇攞武器，有異動就避開，而且互動唔可以唔俾人行埋身，請保鏢都無乜有。不過好彩黎耀祥拍過武俠片，有兩道拳術，遇到危險都保護到自己，仲話「好彩華哥都係咋，一縮一擋，希望佢快啲康復啦。」
相關新聞：
【任達華返港入ICU 幾個專科醫生睇住】琦琦同囡囡現身 https://bit.ly/2O5tLlb
（on.cc）
