影帝任達華近日到沙田出席主演電影《小Q》慈善首映禮，拍戲期間任達華已與布丁建立深厚的友誼，難怪布丁不斷向華仔「獻吻」，搞到任達華成面狗口水，場面搞笑〜他承諾布丁退休後，會爭取收養權，真係好有善心！
談到愛女任晴佳（Ella）近日為雜誌拍照大騷長腿，他開心表示：「佢身形比例似足媽咪，雙腳仲長過我，不過暫時我唔鼓勵佢拍戲，女仔捱更抵夜唔係咁好，屋企已經有一個我（拍戲）喇，亦私心希望佢多啲時間陪我。」真係好窩心理由！
他又表示愛女最好輕輕鬆鬆影靚相，為成長每個階段留有回憶便可，即使當模特兒行貓步他亦唔批准。談到Ella開通微博吸納粉絲，他表示：「好似係啩，不過呢幾日我忙緊，未有時間同佢傾偈。」任爸爸真係愛女心切〜
（on.cc）
