內地夫婦鄧超和孫儷一向好保護自己一對仔女，而早前出席新戲首映時就罕有帶一對仔女公開人前。而呢日孫儷就爆一年前帶一對仔女探老竇班，鄧超一句對白激到仔仔嬲嬲豬！
孫儷透露阿仔見到戲中嘅小朋友嗌鄧超做「爸爸」，即場呷醋話：「為甚麼他們要喊我的爸爸叫爸爸，他是我的爸爸，不是他們的爸爸。」
當時得六歲嘅阿仔唔明白乜嘢係拍戲都好正常，經過一輪講解之後，孫儷以為阿仔已經明白拍戲嘅情況，點知早前仔女去睇爸爸新作首映後，阿仔竟然話：「媽媽，爸爸有兒子的呀，為甚麼要別人演他的兒子呢？」搞到孫儷都唔知好嬲定好笑，唔知阿仔咁講，唔知係咪都想做老竇拍檔呢？
