TVB劇集《大醬園》拍得如火如荼，但這劇可謂「傷」得人多，朱晨麗甩手骹及中暑，龔嘉欣則因趕戲欠缺休息導致耳水不平衡入院。
龔嘉欣上月因日夜趕拍大台新劇《大醬園》欠缺休息，結果耳水不平衡要入院，但為免影響劇集進度，龔嘉欣一出院便繼續開工。
近日嘉欣在facebook留言，引起網民熱議：「個個都辛苦，唔好同我邊個唔舒服，邊個踩得好甘，叫我幫幫手，我已經幫咗好多次，捱義氣咗幾次，咁我唔舒服，唔夠休息都一樣咁返工，我呢十幾年都係咁捱，怕辛苦就唔好做演員。」自裏行間似乎暗示有同劇演員經常請病假而要她捱義氣連續開工。
不久，嘉欣刪走該帖子。有報道陸續指嘉欣是暗諷朱晨麗，同時又指嘉欣經常扮大牌，經常向劇組要求改通告，先跳拍她的戲分遷就自己，因而連累其他演員沒時間休息。
之後又有傳媒指享有特權的是朱晨麗，經常要其他演員遷就她的開工時間；更試過要拍大場口時，朱晨麗突然致電告知PA她病倒不能開工，連累全劇人即時調動通告，而且朱晨麗是在開工前半小時才通知，令不少演員感不滿。
對於被指耍大牌，及她於該發文所指是否指朱晨麗？龔嘉欣接受傳媒訪問時回應：「唔想事件發酵落去，呢10幾年係自己捱出嚟，工作態度從來無變，認識我嘅人都知我係一個點樣嘅人，總之清者自清。」
劇中跟嘉欣有不少對手戲的龔慈恩，亦力撐龔嘉欣，指她絕對無扮大牌連累自己及其他演員，龔慈恩說：「完全冇啲咁嘅事，拍呢部劇大家都好攰好辛苦，大家都互相照顧，最辛苦係每一場戲都咁多人。」
龔慈恩(最右)
問是否朱晨麗經常要改他人通告來遷就自己？龔慈恩便回答並無一個演員有問題：「後生一輩都識得尊重前輩，好似上車落車都幫我攞嘢，我覺得好窩心。」
朱晨麗今日回覆傳媒，談到疑被龔嘉欣暗，她說：「來說是非者，必是是非人。我哋拍呢套劇嘅人個個都好辛苦，個個都有唔舒服嘅時候，不過大家都好體諒，合作得好開心，所以我唔知佢講緊邊個。」
(綜合報道)
