古巨基跟得力助手Lorraine相愛多年，兩人馬拉松式戀愛超過20年，結婚前已經是大家眼中甜蜜的一對。
經歷愛情長跑，2014年基仔在微博宣佈與Lorraine已在7月12日於美國拉斯維加斯註冊結婚，並說：「從94年我第一張唱片開始，在我工作上妳一直緊守在照顧我的崗位。然而此後，妳的未來，就讓我來好好的照顧。」認真冧到爆！
基仔拖著Lorranine的手，兩人一直向前看向前走，這張婚照顯然表達以後下半生的路會一齊并肩作戰，甘苦與共。
前日是古巨基與太太Lorraine結婚五周年，可是基仔當日要出席牙膏品牌的宣傳活動，他即笑說：「今日結婚五周年，揀呢日做活動，真係啱晒，係一個好日子，哈哈！」
問他會否製造驚喜送給古太？基仔原本計劃跟太太簡單過，連禮物也沒有準備，但昨日有朋友提議一起到他家中慶祝，故他的結婚周年紀念有一班朋友食飯同慶祝。
基仔稱這五年時間過得好快，說：「眨吓眼加埋拍拖嘅日子都真係老夫老妻喇，所以冇乜話要搞啲乜嘢surprise，其實簡簡單單，好似我首歌《亂世情侶》咁，兩個人好好咁過每日已經係好好㗎喇！」
問他有沒有說話要跟古太講，他笑說：「我真係恭喜佢！」
(綜合報道)
