藝人吳岱融出席兒童慈善時裝騷活動，任表演嘉賓的他會唱許冠傑的《有酒今朝醉》。
至於他剛完成劇集《大醬園》拍攝，他坦言：「未正式到夏天已經差啲中暑幾次，件戲服4層又唔透風，入面件衫熱到濕晒都乾唔到，喺外景拍十幾個鐘，以我年紀好彩有踢開波，頂得住熱。」
問到太太可有去探班？吳岱融謂：「唔好啦，咁辛苦，唔想熱到畀佢見到我啲嘴臉，咁佢都有煲涼茶同消暑湯我飲，兩夫妻互相扶持啦。」
他稱現可以休息放吓假，會去沙巴、馬來西亞，亦去新加坡探阿仔：「佢讀緊電影特技，佢好enjoy 嘅，但成日喺房對住部電腦，又少做運動，都專登買咗啲眼鏡佢戴護眼，見佢黑眼圈好深。」雖然鏡頭前嘅佢成日都飾演奸角，但係現實卻是個好爸爸同埋好老公！
（on.cc）
