最新一集清談節目《早霸王》嘅「你知道唔知道有人掛住你」環節中，女觀眾Sherry表示自從生兩個小朋友後，覺得同老公嘅愛情已變為親情，所以希望透過節目可以同老公重拾昔日嘅戀愛感覺。
Sherry表示自己同老公喺long d，但每日都會視像通話，所以覺得對方好似喺自己身邊咁，但就慢慢好似變佐做親情。佢仲話：「大家相處唔多，但愛意好濃，不過而家生活迫人，愛情好似轉為親情。每日話題都係小朋友。」佢就話自己依家雖然坐緊月，但就好想快d翻工，因為每次見到小朋友喊都好頭痛。
講到點樣可以保鮮愛情？結婚19年、育有一仔一女嘅森美絕對有唔少心得。佢問Sherry:「你會唔會同老公講話好想錫你?」又分析到：「生左兩個小朋友，年紀亦都差不多，可能已經對老公開始失去興趣，女人當生咗之後，身體會發出訊號「唔使再生」，當覺得唔使再生可以收工時，同老公嘅親熱意念亦都會收工。當女性身體有呢個訊息時，荷爾蒙亦會開始減少。個樣就會開始愈來愈殘，結果就會變成黃面婆。」
一聽到黃面婆、老公對自己乏味等字眼時，Sherry就變得好緊張。森美即時教路「你要記得唔好收工」，並指呢個係最有效嘅方法。
夫妻之間，經常在對方社交平台上留言，多關心對方生活同情緒變化，多談心，都喺愛情保鮮嘅方法黎㗎！
