【同林峯不和？】歐陽震華搞飯局力證沒有

早前無綫喺深宵時段重播劇集《法證先鋒》系列，唔單止引起煲劇潮，更令部分傳聞再被翻抄！

當中就有指原本第一、二輯嘅主演之一歐陽震華（Bobby）都會參演第三輯，但就因為同林峯合作《不速之約》時鬧不和，導致高層插手被踢出劇組。

事隔多年，日前Bobby就喺微博曬出同林峯、謝天華及麥長青等人嘅飯局合照，並留言：「昨晚開心的聚會！」間接闢謠。其實去年Bobby生日時，林峯都有為佢慶祝，佢哋咁好關係，相信都唔會受傳聞影響！

（on.cc）