人氣無綫劇集《白色強人》本周大結局，於今晚即將播出的一集，心臟腫瘤病發的程洛雯醫生（李佳芯飾）在替病人做手術期間再突然病發…
於是馬上召唐明醫生（馬國明飾）幫手，唐明勸她接受治療，一句「希望你將個心交畀我」，洛雯終於聽她的勸告，唐明更親為她做手術。
馬國明受訪時，指該場戲要在雨中勸佳芯不要放棄，坦言頗為辛苦…
「導演要求一Shot落，唔想剪得太碎，但我哋要就番啲環境同人造雨，對白又好長，嗰場戲拍得幾辛苦，但效果出嚟都幾好！」
「而Ali做手術果場戲，現場指導我哋拍攝嘅醫生話個手術係清除心臟癌細胞，喺醫學界係好前端嘅一樣嘢，難度相當高！我未拍呢套劇之前，完全唔知可以咁做，希望觀眾留意吓啦！」
「戲入面除咗感情線外，手術室戲真係好好，劇本搵咗好多團隊同醫生睇過，所有手術喺合情合理嘅情況下進行，相當認真。」
大家記得今晚留意喇！
(綜合報道/ on.cc)
